वाशिङ्टन विश्वविद्यालयले हालै गरेको एक अनुसन्धानले एक्लै जन्मिएको बच्चाको तुलनामा जुम्ल्याहा बालबालिका लामो समयसम्म बाँच्ने पत्ता लागेको छ ।
अनुसन्धानबाट प्राप्त तथ्यले जुम्ल्याहा बालबालिकाको मृत्युदर अन्यको तुलनामा कम हुनेे पाइएको छ । ‘अनुसन्धानका क्रममा हामीले के पायौ भने, एकै समयमा जन्मेका जुल्ल्याहाको आयु केही समयको अन्तरालमा जन्मेका बालबालिकाको भन्दा धेरै हुन्छ, र केही समयको अन्तरालमा जन्मेकाको आयु एकल सन्तान भन्दा धेरै हुन्छ’, वाशिङ्टन विश्वविद्यालयका प्रमुख लेखक डेविड सारोले भने । सँगै जन्मने बालबालिकालाई रुनको लागि काँध, विरामी हुँदा ध्यान दिने व्यक्ति तथा खेल्नको लागि साथी हुने भएकोले पनि उनीहरु अन्यको तुलनामा स्वस्थ्यकर जीवन बाँच्ने उनले बताए । ‘जुम्ल्याहा बालबालिकाले एक आपसमा भौतिक तथा भावनात्मक साथ दिने हुँदा त्यसले दीर्घायु प्रदान गर्न सक्छ’ डेविडले भने ।
उक्त नतिजा ‘डेनिस टुइन्स रजिष्ट्री’ अर्थात जुम्ल्याहाबारे जानकारी संकलन गरेर राखिने ठाउँमार्फत प्राप्त गरिएको थियो । लेखकले अनुसन्धानका लागि सन् १८७० देखि १९०० को बीचमा डेर्नमार्कमा जन्मिएका दश वर्ष माथिका २,९३२ जोडी जुम्ल्याहालाई निगरानीमा राखेका थिए, जसमा सबै बालबालिकाको आयु पुर्ण भएको पाइएको थियो । भावनात्मक रुपमा जुम्ल्याहा बालबालिकाहरु अन्य भाइबहिनी भन्दा नजिक हुने भएकाले नै उनीहरु एकअर्काको बढी हेरचाह गर्न चाहने लेखकको अनुमान छ । यो अध्ययन प्लस वान् नामक जर्नलमा प्रकाशित छ ।
0 comments
Write Down Your Responses