त्रिवि शिक्षण अस्पताल, महाराजगन्जमा रिंगटा लागेनुको मुख्य कारण पत्ता लगाउने आधुनिक प्रयोगशाला ‘भेस्टिबुलर ल्याब’ स्थापना गरिएको छ ।
यसको उपचारसमेत रहेको उल्लेख गर्दै डा. गुरागाईं भन्छन्, ‘पहिले के कारणले रिंगटा लागेको हो भन्ने समाधान नै थिएन । यो परीक्षण पहिलोपटक मुलुकमा सुरु भएको हो ।’ यो अत्याधुनिक प्रविधिले कानको कुन भागमा खराबी, कस्तो गडबडी, रोग आदिबारे पत्ता लगाउन विभागका कान इकाई प्रमुख प्रा.डा. हरि भट्टराईले बताए । उनले भने, ‘यसले रिंगटाको निदान सजिलोसँग हुन्छ, हालसम्म रोगको सटिक पहिचानका लागि विदेशिनुपर्ने बाध्यतासमेत समाप्त भएको छ ।’ नाक, कान, घाँटी विभागकै पूर्व भिजिटिङ प्राध्यापक डा.पुरुषोत्तम राजभण्डारी तथा लक्ष्मीदेवी राजभण्डारीको सहयोगमा ‘भेस्टिबुलर ल्याब’ स्थापना गरिएको हो ।
प्रतिष्ठानको नाक कान तथा घाँटी बहिरंग विभागमा आउने कुल रोगीको १५ प्रतिशत रिंगटाकै समस्या लिएर आउने गरेका छन । शिक्षण अस्पतालको इमर्जेन्सीमा आउने कुल रोगीको ५ प्रतिशत रिंगटाको समस्या लिएर पुग्ने गरेका छन् । रिंगटा भनेको रोग होइन । यो लक्षण मात्र हो । रिंगटा लाग्ने प्रमुख कारण कानको रोग, मस्तिष्कको समस्या, आँखाको कारण र मांसपेशी एवं जोर्नीमा हुने विभिन्न तन्तु हुन् । यो मेसिनले रिंगटा लागेको व्यक्तिको चाललाई पहिचान गर्छ । यसले गर्दा शरीरको कुन अंगले गर्दा रिंगटा लागेको हो भन्ने थाहा पाइने डा.भट्टराई बताउँछन् । यस्तो स्थितिमा बिरामीलाई अनावश्यक जाँच, परीक्षणमा समय सँगै आर्थिक रूपले समेत अपठ्यारो हुने गरेको थियो ।
0 comments
Write Down Your Responses